Әлеуметтік кәсіптік бағдарлау – адамның кәсіптік білімін, дағдыларын, қызығушылықтарын және еңбек нарығының қажеттіліктерін ескере отырып, кәсіп таңдауда, кәсіп түрін ауыстыруда және біліктілігін арттыруда практикалық көмек көрсетуге бағытталған өзара байланысқан іс-шаралар кешені.

Жұмыспен қамту қызметіндегі кәсіптік бағдарлаудың негізгі мақсаттары -кәсіптерді, жұмыспен қамту формаларын және жеке тұлғаның өзін-өзі тану жолдарын еркін таңдау, адамның кәсіптік қасиеттері мен психофизиологиялық сипаттамалары мен еңбек нарығының қажеттіліктері арасындағы тепе-теңдікті қамтамасыз ету үшін жағдай жасау, қызметкердің кез келген салада кәсіби жетістіктерін болжау, жеке тұлғаның кәсібилігін арттыру, жеке әлеуетті барынша жүзеге асыру болып табылады.

Алматы қаласының Халықты жұмыспен қамту орталығы жұмыс іздеушілер, жұмыссыздар, өз бетінше жұмыспен айналысатындар, оралмандар мен студенттер, орта мектептердің жоғарғы сынып оқушыларына әлеуметтік кәсіптік бағдарлау жүргізді.

Ең алдымен, кәсіптік бағдар оқушылар үшін маңызды, себебі олар жақында өздері үшін мамандық таңдауы тиіс, олар университетте немесе колледжде оқуы қажет. Бірақ кәсіби қызметтің түрін таңдау алдында өз мамандығын өзгертуге шешім қабылдаған студенттер мен оқушылар болуы мүмкін.

Әрине, кәсіптік бағдар беру жұмыстары, тіпті егер ол мектепте немесе колледжде болса да, барлық студенттер тарапынан талап етілмейді, олардың кейбіреулері шынымен қажет емес, кейбіреулер білмейді, қорқады, сенім артпайды. Сондықтан студенттер мен оқушылар арасында оған қызығушылықты арттыратын, белгісіздік қорқынышын төмендететін және қызметтің беделін арттыратын бірқатар ақпараттық және жарнамалық іс-шараларды өткізу қажет.

2019 жылғы 24 қаңтарда Жұмыспен қамту орталығының мамандары«Жастар үйі» БО және ӘМТҚ» КММ-мен бірге Алматы электромеханикалық колледжінің базасында экскурсия ұйымдастырды.

Экскурсияның негізгі міндеті жастарды колледждің білім беру бағдарламасымен таныстыру болып табылады.

Колледж директоры Б.Д. Бозымбаев қатысқан тәрбиеленушілерді колледжде дайындалатын мамандықтар туралы,білім беру бағдарламасымен таныстырды. Сонымен бірге ол, колледждегі оқу үдерісін ұйымдастыру, студенттерді даярлау үшін қажетті жабдықтармен жабдықтау және практикалық сабақтар өткізу туралы айтып берді.

Бұдан басқа, қатысушылар алдында кәсіптік бағдарлау бөлімінің басшысы К.Жекетаев сөз сөйледі. Ол «Еңбек» Нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған бағдарламасы аясындағы Халықты жұмыспен қамту орталығының жұмысы мен www.enbek.kz электронды еңбек биржасы туралы халықты ақпараттандыру жөніндегі іс-шаралар туралы айтып берді.

Электрондық еңбек биржасы жұмыс іздеу мен қызметкер таңдауға жәрдемдесу үшін жұмысқа орналастыру бойынша бірыңғай цифрлық алаңды көрсетеді.

www.enbek.kz  сайтындағы барлық ақпараттар пайдаланушылардың орналасқан жеріне қарамастан тәулік бойына тегін беріледі.

Қатысушыларға арналған экскурсия кезінде колледждің оқу кабинеттерімен, шеберханаларымен, цехтарымен танысу мүмкіндігі ұсынылды.

Алматы электромеханикалық колледжі 2007 жылы құрылды. Техникалық және кәсіптік білім алу үшін барлық жағдай жасалған. Студенттерге арналған 35 оқу кабинеттері бар, оның ішінде жоғары технологиялық жабдықтармен жабдықталған, 3 компьютерлік, ондаған шеберханалық кабинеттері жұмыс істейді және практикалық сабақтар өткізіледі.

Электромеханикалық колледж нарық талаптарына сай мамандарды даярлайды: жарықтандыру мен жарық беретін желілер бойынша электромонтаждаушы, автокөлік жөндейтін темір ұсталары,  электро және газ дәнекерлеушілер, электрошілер-автослесарлар, электро жабдықтарын жөндейтін слесарь-электрошілер, есептеуіш техника мен бағдарламалық қамтамасыз етуші операторлар.

Колледж көп жылдан бері келесі кәсіпорындармен бірге қызмет істейді: «Корпорация Сайман» ЖШС, «Электрощит», «BBS», «Искер Газ», «Алматы  электромеханикалық зауыты», «Elcos», «Мега Моторс», «Субару Центр», «Астана Моторс Сауда үйі», «Алматы Тойота центр», «Машсвар» және т.б., мұнда колледждің студенттері өндірістік және диплом алды практикасынан өтеді.

Экскурсия кезінде қатысушылар тарапынан өздерін қызықтырған сұрақтар қойылып, осы сұрақтарға тиісті жауаптар берілді.

Соңында «Жастар үйі» үйінің тәрбиеленушілері ұйымдастырушыларға және жақсы ұйымдастырылған іс-шара үшін колледждің басшылығына алғыс білдірді.